|
| 今日起身出門口返工果陣覺得好涼爽......果室種感覺令人精神一陣......落到街搭車....但有d美中不足ga就係有個呀伯係度食煙,破壞左一個美好ga早上......回想返,,,,,其實9月唔係應該係咁嫁咩......應該係早上同晚黑都涼涼地......但最近幾年好似已經有左改變........近呢兩年ga9-10月都係炎熱咁渡過....好像今天的天氣係少之又少......全球暖化問題愈來愈嚴重......令天氣反常.....令原本令人覺得涼快ga秋天都好似唔見左.....夏天過後便是冬天........我我自問我唔係一個十分環保ga人....但可能我地每人做多一點點已經幫到地球,何樂而不為呢~我支持環保都只不過係想自己住ga地方得到較好ga環境姐....... | | |
| 好耐冇上過黎打野啦,唔知點解,今晚好有氐衝動上黎打野........可能今日比較特別啦,唔係因為回歸10年,唔好誤會......回歸10年,係我印象當中,10年ga回歸都好似係落雨..........講番正題先.....返工就冇咩好講嫁啦.....有d fd可能唔知我轉左工......我而家係火炭度返工......今晚去左唱k,慶祝kathy離開遵理...同順便慶祝埋becky生日.....唱得唔係好耐,7點30唱到10點9度就走之後kathy,sally走左,同左tony,jean,肥佬,我,iris去左食糖水,哈哈,tony請,過左冇耐marcus黎左....食完糖水就上左去肥佬屋企傾計....marcus同我地講佢呢半年黎發生ga野.....佢俾人感覺大個仔左.......佢係出面做野果半年......經歷左好多野...聽佢講左佢ga經驗,發覺自己而家做野ga態度真係有問題.....我做足了本份...但就冇左份上進心....我成日諗住以前ga開心野,但開心野係要諗,但果d經已係回憶,我自問,我冇好好咁認真放心機係呢份新工度.....直至今晚,聽marcus講左一d故事,知道自己一直諗錯左...就算而家返工唔開心又好....受氣又好....如果你自己做果行有出路ga就要捱落去.....俾個心落去試下......以人工黎講....今日人工低d,但換黎ga係經驗,到第時自己ga身價先得高,今日我18歲搵幾千蚊人工,我唔想到28歲都係幾千蚊,我第時有左家室........要照顧屋企......如果而家再用咁ga態度工作,到第時只有換黎後悔.......人大了就要為自己ga未來打算下,可能我花幾年時間就可以有一d安定ga生活過,咁而家辛苦都係式值得ga........ | | |
| 馬拉松之旅....... 好耐都冇打過xanga啦........講番呢期啦都唔錯ga.......3月4號我又去跑馬拉松.......吸取上年ga教訓.....我同璘少,峰少一齊飛的出去......再唔會搭果d死人小巴嫁啦.........今年我好驚自己跑唔曬嫁,因今年練都冇練過,驚要坐車返去.......加上今年天氣唔太好........今年5點到就出到去啦,首先就去左文化中心放低左d行李.........今年時間十分充裕......去埋個洗手間都仲有時間.......熱左陣身就行過去起跑點......槍聲一響就開始起跑啦.......開頭跑左一k都唔覺........去到西隧果陣,真係超辛苦呀......跑左一大半,之後頂唔順要行啦........出到去又要上斜,跑左一陣見到璘少......佢話行一陣先,我同峰少就跑先,見到水站就好似見到寶咁.........衝過去拎杯水飲下先.......飲左兩三杯到又跑啦.....跑到中環見到條好急上好急落ga隧道............又行左一陣.......聽到最後500m果陣...就開始爆啦.....大概淨番200m我就怒奔....衝過終點......衝完之後就好似如釋重負咁...再等一等峰少就一齊行過去拎行李.......係運動場見到璘少,佢又係我地三個之中第一果個......之後搭960返屯門啦.................返到屯門送埋人返工就返左屋企沖涼訓啦,都唔係太訓得著.....訓到12點30左加就返左公司,因約左人食飯......食完又返去公司打機.....到5點幾就過左新墟睇戲,睇左心想事成,雖然好無聊,但笑下都幾好ga.......睇完就行左陣市中心.....行完返屋企食湯圓.....食完12點到就訓著了....................... | | |
| 爆啦~~~~ 打下日記先…..呢期心情都冇咩轉好過…..而每星期總有d野整到人地同自己都好唔開心…….而家返工都唔知做咩…..每個星期五我就去左整筆記黎麻醉自己,…因係上面先可以避免我自己唔想見ga事……我先唔會咁易發脾氣影響到人….但我唔想再咁樣做野下去……因我本身都唔想咁做,我覺得我咁做係違背自己良心同逃避…………我只係想開開心心咁同佢一齊姐,點解咁都唔可以呀?????我好辛苦呀,幾時先唔洗可以過呢種日子呀?????有冇人可以講我知呀…..我唔想,再亂發脾氣啦,有冇人可以教下我控制呀~~~~有既麻煩幫幫手啦~~~~ | | |
| 我的不快又有誰知?? 究竟我每日返工係做緊咩.........為左見我想見ga人,果份人工定咩呢?????但我可以講......我每天返工都無以前咁開心........可能人大左,自然多左好多煩.......因自己情緒唔好的話會影響周圍身邊ga人......唔似得好似以前返學咁,有咩唔開心就返到學校嘻嘻哈哈一大餐就冇事.........而家返工唔可以用呢種態度......因咁樣俾人覺得你唔認真............唯有收係自己心入面.........等有機會先宣洩出黎.......咁先唔會影響到人................收係心入面係好辛苦的.....自己又唔講得,但又要在人面前強裝開心......真係難度十分之高.......我係度講唔係想有人關心我.......我只係想借呢度講下我而家ga內心感受.....令自己好過一d姐........最後,我不得不認我喜歡以前返學的我多過而家ga我~~~~~~ 峰少你也有同感嗎......你有否掛念青松高矮雙煞的日子嗎?我相信他們都不見了~~~~~~~~~ | | |
|
